‘चपली हाइट ३’ को अष्ट्रेलिया राइट्स २५ हजार डलरमा बिक्री
<p>काठमाडौं। २८ चैतबाट प्रदर्शनमा आउन लागेको चलचित्र ‘चपली हाइट ३’ को अष्ट्रेलिया राइट्स बिक्री भएको छ। निकेश खड्का निर्देशनमा बनेको चलचित्रको अष्ट्रेलिया राइट्स बाबा कन्सल्टेन्सीले २५ हजार अष्ट्रेलियन डलर (नेपाली १९ लाख १८ हजारभन्दा बढी) मा किनेको हो। आज बाबा कन्सल्टेन्सी र निर्माता अर्जुन कुमारसँग एक सम्झौता भएको छ।</p>
<p>निर्माता अर्जुन कुमारले महँगो मूल्यमा चलचित्रको अष्ट्रेलिया राइट्स बिक्री हुनुलाई ‘चपली हाइट’ ब्रान्डप्रतिको विश्वास रहेको बताए। अन्य देशमा पनि फिल्मको माग भइरहेको उनको भनाइ छ। केही दिनअघि सार्वजनिक भएको ‘चार आनाको मसला’ बोलको गीत चर्चामा आएको थियो। </p>
<p>‘चपली हाइट-३’ मा स्वस्तिमा खड्का, सुपुष्पा भट्ट, महेश त्रिपाठी, आमिर गौतम, प्रतीकमान श्रेष्ठ, अर्पण थापा, दीपाश्री निरौला, लक्ष्मी बर्देवा, लोकेन्द्र लेखक, विशाल पहारीलगायतका कलाकारको अभिनय छ।</p>
<p>यो चलचित्रको अघिल्ला दुई श्रृंखला दीपेन्द्र के. खनालले निर्देशन गरेका थिए।</p>
प्रतिक्रिया दिनुहोस्
.jpg)
