सेनाका पृतनापतिहरू काठमाडौंमा, तीन दिनसम्म पृतनापति बैठक चल्ने
<p>काठमाडौं। आजदेखि काठमाडौंमा नेपाली सेनाका पृतनापतिहरूको समन्वयात्मक बैठक शुरू भएको छ। बैठकमा सहभागी हुन देशभरका सबै पृतनाका पृतनापतिहरू काठमाडौं आइपुगेका छन्।</p>
<p>सेनाले हरेक वर्ष सैनिक दिवसको पूर्वसन्ध्यामा पृतनापति बैठक आयोजना गर्दै आएको छ। सेनाले कुनै महत्त्वपूर्ण विषयमा नीतिगत निर्णय लिनुअघि समेत पृतनापतिहरूको बैठक बस्ने गर्छ।</p>
<p>आज जंगी अड्डामा उपप्रधानमन्त्री एवं रक्षामन्त्री ईश्वर पोखरेलको उपस्थितिमा बैठक शुरू भएको हो। बैठक आउँदो ६ फागुनसम्म चल्नेछ।</p>
<p>बैठक शुभारम्भ कार्यक्रममा रक्षामन्त्री पोखरेलले सरकार भ्रष्टाचार नियन्त्रणमा स्पष्ट कार्यनीतिसहित केन्द्रित भएको बताउँदै सेनामा आन्तरिकरूपमा भइरहेका भ्रष्टाचार नियन्त्रणसम्बन्धी कार्यमा सरकारको पूर्ण साथ रहेको बताए। उनले पृतनापति समन्वयात्मक बैठकले राष्ट्रिय सुरक्षालाई थप सबल र प्रभावकारी बनाउन सहयोग पुर्‍याउने विश्वास व्यक्त गरे।</p>
<p>मन्त्री पोखरेलले सेनाले विशेष गरी नागरिकता र प्रमाणपत्रको छानबिन, भर्ना छनोटमा भएको अनियमिततामाथिको छानबिन र कारबाही, आर्थिक अपचलनका विषयमा भएका र भइरहेका छानबिन एवं नियमित अनुगमन जस्ता कार्यले सेनामा दीर्घकालीन प्रभाव पार्ने उल्लेख गरे।</p>
<p>प्रधानसेनापति पूर्णचन्द्र थापाले सबै तहका कमाण्डरहरूको कामकारबाही पारदर्शी, नैतिक, पदीय दायित्व बमोजिमको जवाफदेही र उत्तरदायी तथा प्रणाली र पद्धति स्थापित गर्न सहयोगी हुनुपर्ने बताए।</p>
प्रतिक्रिया दिनुहोस्
.jpg)
