पत्रकारलाई पेन्सनको व्यवस्था गर्न माग
<p>पोखरा। मिडिया नेपालले २५ वर्ष पत्रकारिता क्षेत्रमा निरन्तर खटेका पत्रकारहरूलाई पेन्सनको व्यवस्था गर्न माग गरेको छ।</p>
<p>पोखरामा भएको केन्द्रीय कार्यसमितिको पूर्ण बैठकले सरकारसँग पेन्सनको व्यवस्था गर्न माग गर्ने निर्णय गरेको हो।</p>
<p>मिडिया नेपालका अध्यक्ष गोपाल पौड्यालको अध्यक्षतामा भएको बैठकले पत्रकारको न्यूनतम पारिश्रमिक व्यवहारमा तत्काल लागू गरी समयमै उपलब्ध गराउन सञ्चारगृहहरूलाई आग्रह गर्ने निर्णय पनि गरेको छ।</p>
<p>यस्तै बैठकले केन्द्रीय सदस्यहरूमा रञ्जित प्रसाई (झापा), विजय राउत (सुनसरी), सविता पोखरेल (गोरखा)लाई मनोनीत गरेको छ।</p>
<p>त्यस्तै प्रदेश ५ को उपाध्यक्षमा श्रीधर सुवेदी, कर्णाली प्रदेशको तर्फबाट उपाध्यक्षमा अंगत देवकोटा, सचिवमा कृष्ण खनाल, कोषाध्यक्षमा राधिका जोशी, काठमाडौं उपत्यका संयोजकमा दिपेश राजथारुलाई मनोनीत गरिएको मिडिया नेपालले जनाएको छ।</p>
<p> </p>
प्रतिक्रिया दिनुहोस्
.jpg)
