भूपू सैनिकले दिए आमरण अनशनको चेतावनी
<p>काठमाडौं। भूतपूर्व ब्रिटिस गोर्खा सैनिकहरूले आमरण अनशन बस्ने चेतावनी दिएका छन्।</p>
<p>आज काठमाडौंमा पत्रकार सम्मेलन गर्दै एक महीनाभित्र आफ्ना मागहरू पूरा नभए अनशन बस्ने चेतावनी दिएका हुन्।</p>
<p>बेलायत सरकारले समान व्यवहार नगरेको, सेवाको स्वच्छ मूल्यांकन नभएको र मानवीय व्यवहारसमेत नगरेको भन्दै भूतपूर्व सैनिकहरू लामो समयदेखि संघर्षरत छन्।</p>
<p>भूपू गोर्खा सैनिकहरूले समान पेन्सन सेवा, नेपालमा बेलायत सरहकै निःशुल्क स्वास्थ्य सुविधा, कटौती तथा मारमा परेका सबैलाई चित्तबुझ्दो क्षतिपूर्ति, वयस्क छोरा–छोरीहरूलाई बेलायतमा निशर्त आवासीय भिसा दिनुपर्ने माग गरेका छन्।</p>
<p>विधवाहरूको समान पेन्सनको व्यवस्था हुनुपर्ने, भूपू गोर्खा सैनिकहरूको स्वाभिमान, राष्ट्रियता, मानव अधिकार र सम्मानको अनुभूत गर्ने गरी मागहरू पूरा गर्न नेपाल सरकार र बेलायत सरकारलाई माग गरिएको भूतपूर्व ब्रिटिस गोर्खा सत्याग्रह संयुक्त संघर्ष समिति संयोजक कृष्णबहादुर राईले बताए।</p>
प्रतिक्रिया दिनुहोस्
.jpg)
