महाकालीवारि सडक खन्दै भारत
<p>दार्चुला। उत्तरी सीमा व्यास क्षेत्रमा भारतले नेपाल भूमिमै आएर करीब आधा किलोमिटर सडक खनेको छ।</p>
<p>व्यास गाउँपालिका–१ को माल्पदेखि दोपखेसम्मको भागमा डोजर गुडाउने सडक, महाकाली नदी तार्न पुल र दुई काठेपुल बनाएको हो।</p>
<p>भारतले नेपाली भूमिका दुई ठाउँमा सडक बनाएर निर्माण सामग्री ढुवानी गरिरहेको छ।</p>
<p>व्यास गाउँपालिका–१ र २ वडाको सीमा क्षेत्र बयलीधारबाट करीब एक किलोमिटरमाथि झण्डै १५० मिटर सडक खनेर भारततर्फ लगिएको छ।</p>
<p>त्यहाँबाट २५० मिटरमाथि फेरि नेपाली भूमिमै ३०० मिटर सडक खनिएको आजको कान्तिपुर दैनिकमा समाचार छ।</p>
<p>भारतले सीमा नदी महाकाली किनार हुँदै तिब्बत सीमा लिपुलेक जोड्ने सडक निर्माण गरिरहेको छ।</p>
<p>त्यसक्रममा भीर फुटाउन आफ्नो भूमिबाटै जान अप्ठेरो भएपछि नेपाली भूमिमा डोजर प्रयोग गरेको हो।</p>
<p>व्यास–१ कै पेल्सितीमा भारतले महाकालीमाथि काठेपुलसमेत राखेको छ।</p>
<p>नेपाली भूमिमा भारतले डोजर गुडाउने बाटो बनाएको तीन साताभन्दा बढी भएको निर्माण सामग्री ढुवानीमा संलग्न एक नेपाली कामदारीले बताए।</p>
प्रतिक्रिया दिनुहोस्
.jpg)
