ट्याक्टरले च्यापिँदा कैलालीमा एकजनाकाे मृत्यु
<p>कैलाली। ट्याक्टरले च्यापिएर कैलालीका एकजनाको मृत्यु भएको छ।</p>
<p>लम्कीचुहा नगरपालिका-३, बल्चौरमा ट्याक्टरले च्यापिएर ४२ वर्षीय कृष्ण चौधरीको मृत्यु भएको जिल्ला प्रहरी कार्यालय कैलालीका प्रवक्ता डीएसपी दक्षकुमार बस्नेतले बताए।</p>
<p>से १ त ५६५९ नम्बरको ट्याक्टरमा ट्रली जोड्न खोज्दा ट्याक्टर पछाडि जाँदा खाल्डोमा खसेपछि चौधरी च्यापिएको बस्नेतकाे भनाइ छ।</p>
<p>घाइते चौधरीलाई लम्कीमै रहेको लालरत्न अस्पतालमा उपचारका लागि पुर्‍याइए पनि थप उपचारका लागि टीकापुर अस्पताल रेफर गरिएको थियो।</p>
<p>टीकापुर अस्पतालमा उपचारको क्रममा चौधरीको मृत्यु भएको प्रहरीले जनाएको छ।</p>
प्रतिक्रिया दिनुहोस्
.jpg)
