बेलायती सेनाध्यक्ष साताव्यापी भ्रमणका लागि नेपालमा
<p>काठमाडाैं। बेलायती सेनाध्यक्ष चिफ अफ जनरल स्टाफ मार्क कार्लटोन स्मिथ नेपालको साताव्यापी भ्रमणमा आज आइपुगेका छन्। उनलाई त्रिभुवन अन्तर्राष्ट्रिय विमानस्थलमा नेपाली सेनाका बलाधिकृत रथी शरद गिरीले स्वागत गरे।</p>
<p>नेपालमा रहँदा राष्ट्रपति विद्यादेवी भण्डारी र प्रधानसेनापति पूर्णचन्द्र थापासँग सेनाध्यक्ष स्मिथले भेट गर्नेछन्।</p>
<p>४ फागुनमा वीर स्मारिकामा माल्यार्पण गर्ने तथा नेपाली सेनाकाे एक टुकडीले उनकाे सम्मानमा सम्मान गारत अर्पण गर्ने कार्यक्रम रहेकाे नेपाली सेनाले जनाएकाे छ।</p>
<p>बेलायती सेनाध्यक्ष स्मिथले पोखरास्थित पश्चिम पृतना,पाँचखालस्थित वीरेन्द्र शान्ति कार्य तालिम केन्द्रको अवलोकन तथा पर्यटकीयस्थलहरूकाे पनि भ्रमण गर्ने कार्यक्रम छ।</p>
<p>साताव्यापी भ्रमण सकेर ९ फागुनमा स्मिथ स्वदेश फर्कने नेपाली सेनाकाे भनाइ छ।</p>
प्रतिक्रिया दिनुहोस्
.jpg)
