चलचित्र ‘नीरफूल’को गीत सार्वजनिक
<p>काठमाडौं। भूकम्पका कारण बिछोडिएका परिवारको प्रेमकथामा आधारित ‘नीरफूल’ चलचित्रको गीत सार्वजनिक भएको छ।</p>
<p>अर्जुन पोखरेलले संगीत दिएको ‘तिमी बदनामी’ गीतमा दुर्गा खरेलले आवाज दिएकी छन्।</p>
<p>सञ्चारकर्मी फूलमान वलद्वारा निर्देशित चलचित्रको ३० फागुनमा प्रदर्शन मिति तोकिएको छ। गीतको शब्द निर्देशक फूलमान वलले नै लेखेका हुन्। </p>
<p>गीतमा नायिका रेखा थापालाई फिचर गरिएको छ। भिडिओमा रेखालाई डान्स बारमा गीत गाउने गायिकाको रूपमा प्रस्तुत गरिएको छ।</p>
<p>भिडिओमा अभिनेत्री शान्ति वाइबालाई पनि देख्न सकिन्छ। शान्तिलाई भूकम्पपछि जीवनयापनका लागि डान्सबारमा काम गर्न बाध्य भएको दृश्य भिडिओमा देखाइएको छ ।</p>
<p>भूकम्पका कारण बिछोडिएका परिवारको उक्त प्रेमकथामा आधारित चलचित्र धादिङको रुबि भ्याली र काठमाडौंमा छायाङ्कन गरिएको हो। चलचित्रमा दयाहाङ राई, रेखा थापा र शान्ति वाइबाको मुख्य भूमिका छ।</p>
प्रतिक्रिया दिनुहोस्
.jpg)
