उपाधिका लागि मछिन्द्र र आर्मी भिड्दै, पहिलो हाफमा मछिन्द्र १-० ले अगाडि
<p>काठमाडौं। विकास तामाङको आत्मघाती गोलमा मछिन्द्र क्लबले आज शहीद स्मारक 'ए' डिभिजन लिगको अन्तिम खेलमा त्रिभुवन आर्मीविरुद्ध पहिलाे हाफसम्ममा अग्रता लिएको छ।</p>
<p>दशरथ रंगशालामा मछिन्द्रले ३३औं मिनेटमा अग्रता लिएको हो। रन्जित धिमालले दायाँ कर्नरबाट गरेको क्रसलाई क्लियर गर्ने क्रममा विकासले गरेको हेड आफ्नै पोष्टमा गोल भएको हो।</p>
<p>त्यसअघि सातौं मिनेटमा मछिन्द्रका देवेन्द्र तामाङको फ्रीकिक आर्मी क्लबका गोलकिपर विकेश कुथले बचाएका थिए।</p>
<p>आर्मी क्लबका कप्तान भरत खवासले मछिन्द्रका दिपक राईलाई फाउल गरेपछि फ्रीकिक पाएको थियाे।</p>
<p>१३औं मिनेटमा भरतको कर्नरमा विकास खवासको हेड क्रसबारमाथिबाट बाहिरिएको थियो।</p>
<p>यसअघिका १२ खेलबाट २८ अंक जोडेको मछिन्द्रलाई उपाधिका लागि आजको खेलमा जितको विकल्प छैन। तर, समान खेलबाट २९ अंक जोडेको आर्मीलाई बराबरी नै ऐतिहासिक उपाधिका लागि पर्याप्त हुनेछ।</p>
<p style="text-align:center"><img alt="" height="800" src="https://www.dekhapadhi.com/storage/photos/shares/Sports/army vs machhindra 2.jpg" width="1200" /></p>
<p> </p>
प्रतिक्रिया दिनुहोस्
.jpg)
