चितवनमा हात्तीको आक्रमणबाट एकको मृत्यु
<p>चितवन। चितवन राष्ट्रिय निकुञ्जको खोरसोरमा जङ्गली हात्ती 'रोनाल्डो'को आक्रमणबाट एकजनाको मृत्यु भएको छ।</p>
<p>मृत्यु हुनेमा रत्ननगर-७, बद्रेनीका ९३ वर्षीय मनबहादुर तामाङ रहेको जिल्ला प्रहरी कार्यालय चितवनले जनाएको छ।</p>
<p>रत्ननगर नगरपालिका–७, सौराहास्थित हात्ती प्रजनन केन्द्र नजिक खोरसोर संरक्षित जङ्गलमा भैँसी चराउन जाने क्रममा तामाङलाई हात्तीले आक्रमण गर्दा उनको आज घटनास्थलमा नै मृत्यु भएको प्रहरीले जनाएको छ।</p>
<p>चितवन राष्ट्रिय निकुञ्जका सूचना अधिकारी गोपाल घिमिरेका अनुसार निकुञ्जसँगैको संरक्षित जङ्गलमा जान सुरक्षाकर्मीले रोक्ने प्रयास गर्दागर्दै ती वृद्ध उक्त ठाउँमा गएका थिए। 'रोनाल्डो' नामको जङ्गली हात्तीले उनलाई आक्रमण गरेको घिमिरेले जानकारी दिए। <em>रासस</em></p>
प्रतिक्रिया दिनुहोस्
.jpg)
