इस्टर्न रिजनका लागि क्रिकेट टीमको घोषणा, रोहित पौडेल परेनन्
<p>काठमाडौं। थाइल्यान्डमा हुने एसीसी पुरुष ट्‍वान्टी-२० इस्टर्न रिजन २०२० का लागि नेपाल क्रिकेट संघ (क्यान)ले आज १४ सदस्यीय क्रिकेट टीमको घोषणा गरेको छ।</p>
<p>क्यानले आज घोषणा गरेको टीममा एकदिवसीय अन्तर्राष्ट्रिय क्रिकेटमा डेब्यू गरेका तीव्र गतिका बलर कमलसिंह ऐरी परेनन्। क्यानले यसअघि १७ माघमा १८ सदस्यीय टीमको घोषणा गरेको थियो।</p>
<p>१८ मा परेका कमलसिंहसहित रोहितकुमार पौडेल, लोकेश बम र शेर मल्ल १४ भित्र पर्न सकेनन्।</p>
<p>प्रतियाेगिताका लागि नेपाली टीम ४ फागुनबाट बन्द प्रशिक्षणमा बस्ने क्यानले जनाएकाे छ।</p>
<p>थाइल्याण्डमा २९ फेब्रुअरीबाट हुने प्रतियोगितामा आठ टोलीले प्रतिस्पर्धा गर्नेछन्। ६ मार्चसम्म हुने प्रतियोगितामा नेपाल समूह ‘ए’ मा छ।</p>
<p>नेपाल रहेको समूह ‘ए’ मा आयोजक थाइल्याण्ड, मलेसिया र म्यानमार छन्। समूह ‘बी’ मा हङकङ, सिंगापुर, भुटान र चीन छन्। शीर्ष दुई टीमले सेमिफाइनलमा स्थान बनाउनेछ।</p>
<p>फाइनल खेल्ने दुई टोलीले एशिया कप क्वालिफायर खेल्नेछ। एशिया कप क्वालिफायरमा वेस्टर्न रिजनबाट दुई टीम आउनेछन्। चार टीम सहभागी हुने प्रतियोगिताको विजेताले पाकिस्तानले आयोजना गर्ने एसीसी एशिया कप-२०२० मा स्थान बनाउने छ।</p>
<p><strong>नेपाली टीमः</strong> ज्ञानेन्द्र मल्ल (कप्तान), दीपेन्द्रसिंह ऐरी(उप कप्तान), पारस खड्का, विनोद भण्डारी, आरिफ शेख, करण केसी, सन्दीप लामिछाने, अभिनाष बोहरा, कुशल मल्ल, सुशन भारी, पवन सर्राफ, सन्दीप जोरा, किशोर महतो र भुवन कार्की</p>
<p><strong>टीम व्यवस्थापक</strong>: माधवकुमार कर्माचार्य</p>
<p><strong>प्रशिक्षक:</strong> जगतबहादुर टमटा</p>
<p><strong>भिडियो एनालिष्ट:</strong> रमण सिवाकोटी</p>
<p><strong>फिजियो:</strong> विक्रम न्यौपाने</p>
प्रतिक्रिया दिनुहोस्
.jpg)
