वैदेशिक रोजगारीमा गएका कामदारको सुरक्षा गर्न मानव अधिकार आयोगको आग्रह
<p>काठमाडाैं। वैदेशिक रोजगारीको सिलसिलामा कुवेत पुगेका नेपालीहरूमध्ये कामको सिलसिलामा २९ माघमा ६ जनाले ज्यान गुमाएपछि राष्ट्रिय मानवअधिकार आयोगले आफ्नो ध्यानाकर्षण भएको जनाएको छ। </p>
<p>आयोगका सचिव तथा प्रवक्ता वेद भट्टराईले आज एक प्रेस विज्ञप्ति जारी गरी २९ माघमा ढिस्कोले पुरिएर मृत्यु भएको तथा केही व्यक्ति घाइते भएको घटनासम्बन्धमा आयोगको ध्यानाकर्षण भएको बताएका छन्।</p>
<p>उक्त घटनाबारे यथार्थ जानकारी गराउन आयोगले प्रधानमन्त्री तथा मन्त्रिपरिषद्को कार्यालय, परराष्ट्र मन्त्रालय र श्रम, रोजगार तथा सामाजिक सुरक्षा मन्त्रालयलाई पत्राचार गरेको पनि उनले बताएका छन्। </p>
<p>आयोगले नेपाल सरकारलाई वैदेशिक रोजगारीमा गएका कामदारहरूको सुरक्षा तथा उनीहरूको मानव अधिकारको सुनिश्चितताको लागि दीर्घकालीन कार्ययोजना तथा नीति बनाई आवश्यक सुरक्षा व्यवस्था मिलाउन आग्रह गरेको छ।</p>
<p>विज्ञप्तिमा भनिएको छ, ‘उक्त घटनामा घाइते भएकाहरूको प्रभावकारी र निःशुल्क उपचार गर्न, आवश्यक राहत क्षतिपूर्ति उपलब्ध गराउन तथा निजहरूको सांस्कृतिक अधिकार समेतको संरक्षण हुनेगरी आवश्यक व्यवस्था मिलाउन समेत आयोग आग्रह गर्दछ।’</p>
<p style="text-align:center"><img alt="" height="1762" src="https://www.dekhapadhi.com/storage/photos/shares/Social/human right commission.jpg" width="1248" /></p>
<p> </p>
प्रतिक्रिया दिनुहोस्
.jpg)
