धादिङमा भारतीय ट्रकको ठक्करबाट स्कुटर चालकको मृत्यु
<p>धादिङ। बेनीघाट रोराङ गाउँपालिका-५ चरौँदी पुल नजिकै आज बिहान भारतीय नम्बरको ट्रकले स्कुटरलाई ठक्कर दिँदा एक जनाको मृत्यु भएको छ।</p>
<p>ट्रकको ठक्करबाट स्कुटर चालक सोलुखुम्बु मुक्ली नगरपालिका-१ का २२ वर्षीय प्रकाश बस्नेतको घटनास्थलमै मृत्यु भएको जिल्ला प्रहरी कार्यालयका डीएसपी रुपक खड्काले जानकारी दिए।</p>
<p>स्कुटरमा पछाडि सवार सनिष थापा घाइते छन्। उनलाई उपचारका लागि महाराजगंजस्थित शिक्षण अस्पताल भर्ना गरिएको छ।</p>
<p>काठमाडौँतर्फ जाँदै गरेको बीआर ०६ जीडी ८६७१ नम्बरको भारतीय ट्रकले काठमाडौंबाट मुग्लिनतर्फ जाँदै गरेको प्रदेश ३-०२-०१४ प ३९८९ नम्बरको स्कुटरलाई ठक्कर दिएको हो।</p>
<p>ठक्कर दिएर भागेका ट्रक चालकलाई गजुरी प्रहरीले पक्राउ गरेको छ। <em>रासस</em></p>
प्रतिक्रिया दिनुहोस्
.jpg)
