हेलिकप्टर उडानले सगरमाथा राष्ट्रिय निकुञ्ज क्षेत्रमा असर
<p style="text-align:justify">सोलुखुम्बु। सगरमाथा राष्ट्रिय निकुञ्ज क्षेत्रमा नियम विपरीत हेलिकप्टर उडान तथा अवरतण हुने गरेको छ।</p>
<p style="text-align:justify">निश्चित स्थान तथा क्षेत्रमा उडान तथा अवतरण हुनुपर्ने भए पनि पर्यटक उद्धारको नाममा मनोमानी हेलिकप्टरले उडान भर्ने गरेको खुम्बुवासीले गुनासो गरेका छन्।</p>
<p style="text-align:justify">यसले निकुञ्‍ज क्षेत्रका पशुपंक्षीलगायत होटल व्यवसायमासमेत प्रत्यक्ष असर परिरहेको नाम्चेका लामाकाजी शेर्पाले बताए।</p>
<p style="text-align:justify">निकुञ्ज क्षेत्रमा भइरहेको अवैधानिक हेलिकप्टर उडानले संरक्षित जन्तुको जीवनचक्रमा गम्भीर असर पर्ने भन्दै विज्ञले समेत चिन्ता जनाएका छन्।</p>
<p style="text-align:justify">हेलिकप्टर कम्पनी नियमको अटेर गर्दै आफूखुशी उडान भर्दै आएको निकुञ्जका प्रमुख भूमिराज उपाध्यायले बताए।</p>
<p style="text-align:justify">सगरमाथा हिमाल र यस क्षेत्रको मनोरम दृश्य हेर्न, पर्वतारोहण गर्न, शेर्पा संस्कृति तथा वन्यजन्तु अवलोकन गर्न वर्षेनी हजारौँ पयर्टक यहाँ आउँछन्।</p>
<p style="text-align:justify">सन् १९७९ देखि यस राष्ट्रिय निकुञ्जलाई विश्व सम्पदा सूचीमा समावेश गरिएको छ ।</p>
<p style="text-align:justify">पर्यटकको सिजनको समयमा दैनिक १९० भन्दा बढी पटक हेलिकप्टर उडान तथा अवतरण हुने गरेको लुक्ला विमानस्थलको तथ्यांक छ।</p>
<p style="text-align:justify">तर, लुक्लाभन्दा माथिको फाक्दिङ, नाम्चे, होटल एभरेस्ट, दिंबुचे, फेरिचे, गोरक्सेप, आधार शिविरलगायत क्षेत्रमा अवतरण भएको कुनै पनि तथ्यांक भने छैन। <em>रासस</em></p>
.jpg)
