चन्द समूहका भेरी-कर्णाली संयोजकसहित तीन जना पक्राउ
<p>कैलाली। नेत्रविक्रम चन्द समूहनिकट अखिल क्रान्तिकारीका भेरी-कर्णाली क्षेत्रीय संयोजकसहित तीन जनालाई प्रहरीले पक्राउ गरेको छ। </p>
<p>जिल्ला प्रहरी कार्यालय कञ्चनपुरबाट खटिएको प्रहरीले भीमदत्त नगरपालिका-१८ सुदूरपश्चिमाञ्चल विश्व विद्यालय नजिकैबाट भेरी-कर्णाली संयोजक बिरेन्द्र लोहार, कञ्चनपुर जिल्ला सदस्यद्वय भरत लोहार र अर्जुन विकलाई पक्राउ गरेको हो।</p>
<p>जिल्ला प्रहरी कार्यालय कञ्चनपुरका प्रवक्ता, प्रहरी नायव उपरीक्षक रविन्द्र पौडेलले पक्राउ परेकाहरूबाट विभिन्न कागजात समेत बरामद भएको बताए। </p>
<p>उनका अनुसार थप अनुसन्धानका लागि प्रहरीलाई जिल्ला प्रशासन कार्यालय कञ्चनपुरबाट सात दिनको म्याद थप भएको छ। </p>
<p> </p>
प्रतिक्रिया दिनुहोस्
.jpg)
