नेत्रविक्रम चन्द समूहका विद्यार्थी संगठन प्रमुख पक्राउ
<p>काठमाडाैं। प्रहरीले सरकारले प्रतिबन्ध लगाएको नेत्रविक्रम चन्द समूहका विद्यार्थी संगठनका केन्द्रीय अध्यक्षलाई पक्राउ गरेको छ।</p>
<p>अखिल क्रान्तिकारीका केन्द्रीय अध्यक्ष चिरञ्जीवी ढकाललाई काठमाडौंको असनबाट महानगरीय प्रहरी परिसर र अपराध महाशाखाको टोलीले पक्राउ गरेको अपराध महाशाखाका प्रवक्ता, एसपी मुकेश सिंहले जानकारी दिए।</p>
<p>उनी यसअघि पनि पक्राउ परेर रिहा भएका थिए। उनीसहित अन्य तीनजनालाई पनि पक्राउ गरिएको छ। प्रहरीले उनीहरूको परिचय भने खुलाएको छैन।</p>
<p>एसपी सिंहका अनुसार पक्राउ परेका ढकालसहितका व्यक्तिहरूलाई परिसरको हिरासतमा राखिएको छ।</p>
<p>सरकारले प्रतिबन्ध लगाएको चन्द समूहका कार्यकर्तामाथि प्रहरीले विभिन्न मुद्दा चलाउँदै आएको छ। पक्राउ परेकाहरूमाथि परिसरले आवश्यक अनुसन्धान गरिरहेको जनाएको छ। </p>
प्रतिक्रिया दिनुहोस्
.jpg)
