ट्राफिक नियम जानकारी दिन सारङ्गी टोली परिचालन
<p>काठमाडौं। महानगरीय ट्राफिक प्रहरी महाशाखाले पैदल यात्रीलाई ट्राफिक नियम सम्बन्धी जानकारी दिन सारङ्गी टोली परिचालन गरेको छ। </p>
<p>पैदल यात्रुमा ट्राफिक नियमको जानकारी नहुने र जथाभावि बाटो काटने, जेब्राक्रसिङको प्रयोग नगर्ने र ट्राफिक लाइटको जानकारी नराख्ने समस्या रहेको भन्दै सांगीतिक टोलीमार्फत् सचेतना फैलाउने प्रयास गरेको हो। </p>
<p>आज बानेश्वरस्थित संसद भवन अगाडि ट्राफिक प्रहरीले सारङ्गी टोली परिचालन गरी ट्राफिक गीत गाएर ट्राफिक नियम सम्बन्धी जानकारी गराएको हो। </p>
<p>महानगरीय ट्राफिक प्रहरी महाशाखाका प्रमुख, प्रहरी वरिष्ठ उपरीक्षक भीम ढकालले पैदल यात्रीहरूले ट्राफिक नियमको जानकारी नराख्ने र जथाभावी बाटो काटने गरेकाले सांगीतिक अभियानमार्फत् ट्राफिक नियमको जानकारी गराइएको बताए।</p>
<p>उनले सडकको जेब्राक्रसिङमा समेत ट्राफिक लाइट शुरू भइसकेको र पैदल यात्रुले त्यसको पालना नगरेपछि ट्राफिक नियमको जानकारी दिन नयाँ उपाय अपनाएको उल्लेख गरे।</p>
<p>उनले ट्राफिक प्रहरी आफैंले पनि जानकारी गराउने र सांगीतिक तरिकाले सारङ्गी टोली परिचालन गरी ट्राफिक गीत गाएर पैदल यात्रीलाई ट्राफिक नियम सम्बन्धी जानकारी दिइएको बताए। </p>
<p>महाशाखा प्रमुख ढकालले पैदल यात्रुको चाप बढी हुने काठमाडौंका मुख्य–मुख्य स्थानमा सांगीतिक अभियानमार्फत ट्राफिक नियमको जानकारी गराउने बताए। </p>
प्रतिक्रिया दिनुहोस्
.jpg)
