सल्यानमा सेनाको गाडी दुर्घटना, जमदारको मृत्यु
<p>सल्यान। सल्यानको कपुरकोट गाउँपालिका-३, चोरखोलामा नेपाली सेनाको गाडी दुर्घटना हुँदा एकजनाको मृत्यु भएको छ।</p>
<p>मेजरसहित ६ जना घाइते भएका छन्।</p>
<p>सपूत गुल्मबाट बुटवल जाँदै गरेको लु १ ग १२३ नम्बरको गाडी सडकबाट ३०० मिटर तल खसेको घटनास्थलमा रहेका प्रहरी नायव निरीक्षक डीबी मल्लले जानकारी दिए।</p>
<p>“अहिले उद्धारको काम भइरहेको छ”, उनले <em>देखापढी</em>सँग भने,“एकजनाको घटनास्थलमै शव भेटिएको छ। ”</p>
<p>गाडीमा नेपाली सेनाका मेजर ईश्वर सिलवालसहित सातजना थिए। तीमध्ये जमदार यादवप्रसाद धरेलको मृत्यु भएको छ।</p>
<p>घाइते चारजनालाई उपचारका लागि दाङ पठाइएको प्रहरीले जनाएको छ।</p>
<p>दुईजना हराइरहेका छन्। घाइतेको अवस्था गम्भीर रहेको सई मल्लले जानकारी दिए।</p>
<p>गाडीमा हतियार र बम रहेकाले उद्धारमा केही समस्या भइरहेको छ।</p>
प्रतिक्रिया दिनुहोस्
.jpg)
