आठदिन अघि लुटिएको एक करोड बराबरको सुनसहित तीन भारतीय पक्राउ
<p>काठमाडाै‌। ललितपुरको पाटनमा रहेको एक सुनचाँदी पसलबाट लुटिएको एक करोड रूपैयाँ बराबरको सुनसहित तीनजना भारतीय नागरिक पक्राउ परेका छन्।</p>
<p>सतुंगल र थानकोटबाट आज बिहान प्रहरीले लुटिएको सुनसहित उनीहरूलाई पक्राउ गरेको हो।</p>
<p>“२१ माघमा सुन पसलको सेफबाटै एक करोड बराबरको सुन लुटिएको थियो”, महानगरीय प्रहरी परिसर ललितपुरका प्रमुख एसएसपी टेकप्रसाद राईले भने,“बाँकी अनुसन्धान गरिरहेका छौं।”</p>
<p>उनीहरू डेरामा लुकेर बसेको अवस्थामा पक्राउ परेका हुन्। पसलमा तोडफोड गरेर सेफ चोरी गरिएको थियो।</p>
<p>प्रहरीले पक्राउ परेका भारतीय नागरिकको नाम भने सार्वजनिक गरेको छैन।</p>
प्रतिक्रिया दिनुहोस्
.jpg)
