अर्काे वर्षकाे भ्यालेन्टाइनलाई ‘ओह प्रिया’ बुक
<p>काठमाडौं। सूर्य बोहराको निर्देशनमा चलचित्र ‘ओह प्रिया’ निर्माण हुने भएको छ। अर्को वर्षको प्रेम दिवसमा प्रदर्शन गर्ने गरी ‘ओह प्रिया’को घोषणा गरिएको हो। </p>
<p>सृजना जोशी महर्जन कार्यकारी निर्माता र एलिस अधिकारी लाइन प्रोड्युसर रहेको चलचित्रकाे गीतमा एलिस कार्कीको संगीत रहनेछ।</p>
<p>यसको छायाङ्कन नेपालका साथै वेल्स, स्कटल्याण्ड, लण्डन र क्यानडामा गरिने निर्माण पक्षले जानकारी दिएको छ।</p>
<p>निर्देशक बोहराको यसअघिको चलचित्र ‘हेलो जिन्दगी’को लण्डन र काठमाडौमा भिएफएक्स भइरहेको छ। सो चलचित्र आउँदो दशैं आसपासमा प्रदर्शन गर्ने तयारी छ।</p>
<p>बोहराले यसअघि ‘भैरे’ निर्देशन गरेका थिए।</p>
प्रतिक्रिया दिनुहोस्
.jpg)
