आईसीसी क्रिकेट विश्वकप लिग-२: नेपालले अमेरिकालाई ३५ रनमै रोक्यो
<p>काठमाडौं। आईसीसी क्रिकेट विश्वकप लिग-२ अन्तर्गत आजको खेलमा स्पिनर सन्दीप लामिछानेले ६ विकेट लिएपछि अमेरिकाले १२ ओभरमा सबै विकेट गुमाएर ३५ रन बनाएको छ। यससँगै नेपालले जितका लागि ३६ रनको लक्ष्य पाएको छ। जुन एकदिवसीय अन्तर्राष्ट्रिय क्रिकेटमै सबभन्दा सानो लक्ष्य हो।</p>
<p>यसअघि २००४ अप्रिलमा पनि श्रीलंकाविरुद्ध जिम्बाब्वे पनि ३५ रनमा अलआउट भएको थियो।</p>
<p>नेपालका कप्तान ज्ञानेन्द्र मल्लले टस जितेर ब्याटिङ गर्ने निर्णय गरेका थिए।</p>
<p>सन्दीप लामिछानेले ६ तथा सुशन भारीले चार विकेट लिएपछि अमेरिकाले १२ ओभरमा ३५ रन जोड्दा सबै विकेट गुमाएको थियो। सन्दीपले ६ ओभरमा एक मेडन राख्दै १६ रन दिएर ६ विकेट लिए भने सुशनले तीन ओभरमा एक मेडन राख्दै पाँच दिएर चार विकेट लिए।</p>
<p>अमेरिकाका जाभियर मार्शलले १६ रन बनाउनुबाहेक अन्यले दोहोरो अंकमा रन बनाउन सकेनन्।</p>
<p>चार ब्याट्सम्यानले रन जोड्न सकेनन्। दुई ब्याट्सम्यान एक रनमा आउट भए भने तीन ब्याट्सम्यान चार रनमा पवेलियन फर्किए।</p>
प्रतिक्रिया दिनुहोस्
.jpg)
