सन्दीपले दिलाए नेपाललाई पहिलो विकेट
<p>काठमाडौं। अमेरिकाविरुद्ध बलिङ गरिरहेको नेपालले पहिलो विकेट लिएको छ।</p>
<p>सन्दीप लामिछानेले दोस्रो ओभरको अन्तिम बलमा विकेट लिएका हुन्।</p>
<p>कीर्तिपुरस्थित त्रिवि क्रिकेट मैदानमा नेपालका कप्तान ज्ञानेन्द्र मल्लले टस जितेर बलिङ गर्ने निर्णय गरेका थिए।</p>
<p>अमेरिकाले छ ओभरमा एक विकेट गुमाएर २३ रन जोडेको छ।</p>
<p>नेपालका लागि करण केसीले तीन ओभर बलिङ गर्दै १३ रन दिएका छन्।</p>
<p>तीन ओभर बलिङ गरेका सन्दीपले नौ रन दिएर एक विकेट लिएका छन्।</p>
<p>जारी एकदिवसीय शृंखलामा नेपाल र अमेरिकाको यो चौथो खेल हो।</p>
<p>यसअघि अमेरिका ओमानसँग पहिलो खेलमा ६ विकेट र दोस्रो खेलमा ९२ रनले पराजित भएको थियो भने नेपालसँग ३५ रनले पराजित भएको थियो।</p>
<p>नेपालले आज टोलीमा एक खेलाडी परिवर्तन गरेको छ।</p>
<p>ओमानविरुद्धको पछिल्लो खेलमा खेलेका कमलसिंह ऐरीको स्थानमा ललित राजवंशीलाई टोलीमा समावेश गरेको छ।</p>
<p>यससँगै नेपाली टीममा तीन स्पिनर भएको छ।</p>
प्रतिक्रिया दिनुहोस्
.jpg)
