अमेरिकाविरुद्ध नेपालले पहिले बलिङ गर्ने
<p>काठमाडौं। आईसीसी क्रिकेट विश्वकप लिग-२ को नेपालमा जारी त्रिदेशीय शृंखलामा आज नेपालले अमेरिकाविरुद्धको दोस्रो खेलमा पहिलो बलिङ गर्ने भएको छ।</p>
<p>कीर्तिपुरस्थित त्रिवि क्रिकेट मैदानमा नेपालका कप्तान ज्ञानेन्द्र मल्लले टस जितेर बलिङ गर्ने निर्णय गरेका हुन्।</p>
<p>जारी एकदिवसीय शृंखलामा नेपाल र अमेरिकाको यो चौथो खेल हो।</p>
<p>यसअघि अमेरिका ओमानसँग पहिलो खेलमा ६ विकेट र दोस्रो खेलमा ९२ रनले पराजित भएको थियो भने नेपालसँग ३५ रनले पराजित भएको थियो।</p>
<p>नेपाल पहिलो खेलमा ओमानसँग १८ रन र दोस्रो खेलमा आठ विकेटले पराजित भएको थियो।</p>
<p>नेपालले आज टोलीमा एक खेलाडी परिवर्तन गरेको छ।</p>
<p>ओमानविरुद्धको पछिल्लो खेलमा खेलेका कमलसिंह ऐरीको स्थानमा ललित राजवंशीलाई टोलीमा समावेश गरेको छ।</p>
<p>यससँगै नेपाली टीममा तीन स्पिनर भएको छ।</p>
<p><strong>नेपाली टीम</strong></p>
<p>ज्ञानेन्द्र मल्ल(कप्तान), पारस खड्का, सुवास खकुरेल, दीपेन्द्रसिंह ऐरी, आरिफ शेख, कुशल मल्ल, विनोद भण्डारी, सन्दीप लामिछाने, सुशन भारी, करण केसी र ललितनारायण राजवंशी।</p>
प्रतिक्रिया दिनुहोस्
.jpg)
