फर्किए बंगलादेशका सेना प्रमुख
<p>काठमाडौं। बंगलादेशका सेना प्रमुख जनरल अजिज अहमद् आज स्वदेश फर्किएका छन्।</p>
<p>पाँचदिने औपचारिक भ्रमणका क्रममा नेपाल आएका अमहद्लाई राष्ट्रिय सुरक्षा परिषद्को सचिवालयका सहसंयोजक उपरथी निर्मलकुमार थापाले त्रिभुवन अन्तर्राष्ट्रिय विमानस्थलमा बिदाइ गरे।</p>
<p>नेपाल भ्रमणका क्रममा अहमद्ले राष्ट्रपति, प्रधानमन्त्री, रक्षामन्त्री, प्रधानसेनापतिलगायतसँग भेटघाट गरे।</p>
<p>साथै सेना प्रमुख अहमद्ले पोखरास्थित पश्चिम पृतना हेडक्वार्टर, पाँचखालस्थित नेपाली सेनाको शान्ति कार्य तालिम केन्द्र तथा पर्यटकीय स्थलहरूको समेत भ्रमण गरेका थिए।</p>
<p>अहमद् २४ माघमा नेपाल आएका थिए।</p>
<p> </p>
प्रतिक्रिया दिनुहोस्
.jpg)
