.jpg)
तेस्रो स्थानमा उक्लियो थ्री स्टार
<p>काठमाडौं। वैकल्पिक खेलाडी दीपेश घलेको गोलमा थ्री स्टार क्लबले आज न्यूरोड टीम (एनआरटी) लाई पराजित गर्दै शहीद स्मारक ‘ए’ डिभिजन लिगको तेस्रो स्थानमा उक्लिएको छ।</p>
<p>दीपेशले मैदान छिरेको पाँच मिनेट नबित्दै दर्शनीय गोल गरेका थिए। दीपेश ७३औं मिनेटमा सुशील राईको स्थानमा मैदान छिरेका थिए।</p>
<p>१८ यार्डमा रहेका दीपेशले मिक्चेन तामाङको पासलाई नियन्त्रणमा लिँदै तीन विपक्षी रक्षकको बीचबाट हानेको प्रहार एनआरटीका गोलकिपर अजित प्रजापतिले रोक्न सकेनन्।</p>
<p>जितसँगै थ्री स्टार तेस्रो स्थानमा उक्लिएको छ। ललितपुरे क्लब अब कम्तीमा पनि तीन घण्टा शीर्ष स्थानमा रहनेछ।</p>
<p>एक खेल कम खेलेर चौथो स्थानमा रहेको मनाङ मर्स्याङ्दीले अहिले नेपाल पुलिस क्लबविरुद्ध खेल्दैछ। मनाङले जिते थ्री स्टार पुनः चौथो स्थानमा झर्नेछ। मनाङ पराजित भए थ्री स्टारको तेस्रो स्थान यथावत् रहनेछ।</p>
<p>एनआरटी भने सातौं स्थानमा छ। एनआरटीको १५ अंक छ। च्यासल युथ र संकटाको समान १५ अंक भए पनि गोलअन्तरमा एनआरटी सातौं स्थानमा रहेको हो। थ्री स्टारले अन्तिम खेल च्यासल युथ क्लबविरुद्ध खेल्नेछ भने एनआरटीले हिमालयन शेर्पा क्बलविरुद्ध खेल्नेछ।</p>
प्रतिक्रिया दिनुहोस्
.jpg)
