गृहमन्त्रीका भाइ नरेशलाई पुर्पक्षका लागि थुनामा राख्न आदेश
<p>काठमाडौं। गृहमन्त्री रामबहादुर थापाका भाइ नरेशकुमार थापालाई उच्च अदालतले पुर्पक्षका लागि थुनामा राख्न आदेश दिएको छ।</p>
<p>काठमाडौं जिल्ला अदालतले धरौटीमा छाड्न दिएको आदेश उल्टाउँदै उच्च अदालतले पुर्पक्षका लागि थुनामा राख्न आदेश दिएको हो।</p>
<p>२३ माघमा मुख्य न्यायाधीश नहकुल सुवेदी र श्रीमणकुमार गौतमको संयुक्त इजलासले नरेशलाई पुर्पक्षका लागि थुनामा राख्न आदेश दिएको उच्च अदालतका प्रवक्ता शम्भुप्रसाद रेग्मीले जानकारी दिए।</p>
<p>आपराधिक गिरोहसँग मिलेर व्यवसायीलाई धम्क्याउँदै रकम असुल गरेको अभियोगमा प्रहरीले नरेशलगायतका ६ जनालाई पक्राउ गरी ‘आपराधिक लाभ र संगठित अपराध’मा मुद्दा चलाइएको थियो।</p>
<p>१ असोजमा काठमाडौं जिल्ला अदालतले एक लाख रूपैयाँ धरौटीमा नरेशलाई छाड्न आदेश दिएको थियो। तर, सोही मुद्दाका अन्य पाँच जनालाई भने पुर्पक्षका लागि थुनामा राख्न आदेश दिएको थियो।</p>
प्रतिक्रिया दिनुहोस्
.jpg)
