क्यानले खेलाडीलाई चार समूहमा वर्गीकरण गर्ने
<p>काठमाडौं। नेपाल क्रिकेट संघ (क्यान)ले राष्ट्रिय क्रिकेट टीमका खेलाडीलाई चार समूहमा वर्र्गीकरण गरी ‘सेन्ट्रल कन्ट्रयाक्ट’मा राख्ने भएको छ।</p>
<p>आज काठमाडौंमा बसेको क्यान केन्द्रीय कार्यसमिति बैठकले सिनियर राष्ट्रिय क्रिकेट टीममा पुरुषतर्फ २४ खेलाडीलाई ‘ए प्लस’, ‘ए’, ‘बी’ र ‘सी’ गरी चार समूहमा वर्गीकरण गर्ने निर्णय गरेको हो।</p>
<p>त्यस्तै महिलातर्फ १८ खेलाडीलाई ‘ए’, ‘बी’ र ‘सी’ गरी तीन समूहमा वर्गीकरण गर्ने क्यानले जनाएको छ।</p>
<p>क्यानले ‘सेन्ट्रल कन्ट्रयाक्ट’मा समावेश गर्न ‘प्रस्तावना तयार गरी संघलाई पेश गर्न कोषाध्यक्ष रोशनकुमार सिंहको संयोजकत्वमा केन्द्रीय सदस्य अमितवीर पाण्डे र दुर्गाराज पाठक रहेको समिति गठन गरेको छ।</p>
<p>क्यानले २०२० जनवरीबाट लागू हुने गरी राष्ट्रिय पुरुष टीमले एकदिवसीय अन्तर्राष्ट्रिय र ट्वान्टी–२० अन्तर्राष्ट्रिय क्रिकेट खेल्दा खेडालीलाई प्रतिखेल पाँच हजार ‘म्याच फी’ दिने निर्णय गरेको छ।</p>
<p>त्यस्तै चैत तेस्रो सातादेखि सिनियर पुरुष एकदिवसीय क्रिकेट प्रतियोगिता आयोजना गर्ने निर्णय गरेको छ।</p>
<p> </p>
प्रतिक्रिया दिनुहोस्
.jpg)
