१३औं सागमा स्वर्ण बिजेता फुटबल खेलाडीलाई पाँच लाख ५० हजार दिने एन्फाको निर्णय
<p>काठमाडौं। अखिल नेपाल फुटबल संघ (एन्फा) को आजको बैठकले १३औं सागमा फुटबलको यू–२३ मा स्वर्ण विजेता प्रत्येक खेलाडीलाई पाँच लाख ५० हजार रूपैयाँ पुरस्कार दिने निर्णय गरको छ।</p>
<p>त्यस्तै सागमा रजत विजेता महिला फुटबल टीमका प्रत्येक सदस्यलाई एक लाख ५० हजार रूपैयाँ पुरस्कार दिने निर्णय भएको एन्फाले जनाएको छ। </p>
<p>शहीद स्मारक बी र सी डिभिजनमा भाग लिने फुटबल टीमलाई तयारी गर्नका लागि आर्थिक सहयोग उपलब्ध गराउने निर्णय पनि एन्फाको आजको बैठकले गरेको छ।</p>
<p>जसअनुसार बी डिभिजनमा भाग लिने टीमले १० लाख र सी डिभिजनमा भाग लिने टीमले सात लाख रूपैयाँ पाउनेछन्। </p>
<p>बी डिभिजन लिगकको बिजेता टीमले १५ लाख, उपविजेताले आठ लाख र तेस्रो हुनेले तीन लाख रूपैयाँ पाउनेछन्।</p>
<p>त्यस्तै महिला फुटबल लिगको ‘च्याम्पिएन’ टीमले १५ लाख, ‘फस्ट रनर अप’ले आठ लाख, ‘सेकेन्ड रनर अप’ले पाँच र ‘थर्ड रनर अप’ले तीन लाख पाउनेछन्। </p>
<p><br />
</p>
प्रतिक्रिया दिनुहोस्
.jpg)
