मेयरको नेतृत्वमा इटहरीको सार्वजनिक जग्गाका संरचना हटाउन थालियो
<p>विराटनगर । इटहरी उप महानगरले सडक, खोला,पैनी र सार्वजनिक स्थल मिचेर बनाएका घर टहरा भत्काउन थालेको छ।</p>
<p>यसअघि पनि पटक–पटक त्यस्ता संरचना हटाउन शुरूआत गरेपनि विरोधका कारण यसले पूर्णता पाएको थिएन।</p>
<p>राजनीतिक दवावका कारण अभियान सफल बनाउन नसकेको बताइरहेका इटहरी उपमहानगरपालिकाका मेयर द्वारिकालाल चौधरीले यस पटक भने काम बीचमा नरोक्ने बताएका छन्।</p>
<p>मेयर चौधरी आफै डोजरसँगै निस्किएर इटहरी- १० स्थित डुमरटक्कामा ल्याण्डफिल्ड साइड जाने बाटो अतिक्रमण गरेर बनाएका दर्जन घर टहरा भत्काउन लगाएका छन्।</p>
<p><img alt="" height="720" src="https://www.dekhapadhi.com/storage/photos/shares/Province/province 1/ithari dozer.jpg" width="960" /></p>
<p>इटहरी उप महानगरपालिकाले ल्याडफिल्ड साइड जाने बाटो नबनाएको भन्दै साझेदार सस्था वेष्ट एण्ड इन्भारो प्रालिले फोहोर प्रशोधनको मेशिन राख्न मानेको थिएन।</p>
<p>मेयर चौधरीले रोयल रिर्सोटले बनाएको संरचना पनि भत्काउन यसअघि नै निर्देशन दिइसकेका छन्।</p>
<p>रिर्सोटका सञ्चालक अमृत कार्कीसँग मेयर चौधरीले १५ दिन भित्रमा घर भत्काउने लिखित सहमति गराएका छन्।</p>
<p>यसअघि खेती खोला करीब पाँच सय मिटर मिचेर बनाइएका संरचना, सार्वजनिक जग्गामा बनाइएको डीभीएम स्कूलसमेत भत्काउन निर्देशन दिएका थिए।</p>
प्रतिक्रिया दिनुहोस्
.jpg)
