पर्यटक भिसामा बसेर काम गर्ने सय विदेशी कारबाहीमा
<p>काठमाडौं। गृह मन्त्रालयले हालै घुम्ने नाममा पर्यटक भिसामा नेपाल आएर जागिरमा आबद्ध भएका एक सयभन्दा धेरै विदेशीलाई कारबाही गरेको छ।</p>
<p>सरकारी आयोजना, अन्तर्राष्ट्रिय गैरसरकारी संस्था तथा निजी कम्पनीमा कार्यरत विदेशीहरु कारबाहीमा परेका हुन्।</p>
<p>यो आर्थिक वर्षमा मात्र एक सयभन्दा धेरै विदेशी कारबाहीमा परेको गृह मन्त्रालयले जनाएको छ।</p>
<p>कारबाही पर्नेहरूमा धेरैजसो अमेरिकी नागरिक छन्।</p>
<p>त्यस्तै कोरिया, जापान, बेलायत, चीनलगायतका देशका नागरिक पनि कारबाहीमा परेका छन्।</p>
<p>उनीहरूलाई प्रतिव्यक्ति ५० हजार रूपैयाँ जरिवाना गराएर पर्यटक भिसालाई वर्किङ भिसामा परिवर्तन गर्न लगाइएको छ।</p>
<p>विभिन्न परियोजनामा कार्यरत विदेशी नागरिकका फाइल अध्ययन गर्दा धेरैजसो पर्यटन भिसामा बसिरहेको खुलेपछि गृह मन्त्रालयले कारबाही प्रक्रिया अगाडि बढाएको आजको नयाँ पत्रिकामा समाचार छ।</p>
<p>अध्यागमन विभागका महानिर्देशक ईश्वरराज पौडेलले पर्यटक भिसामा बसेर काम गर्नु अध्यागमनसम्बन्धी कसुर भएकाले उनीहरूलाई कारबाही गरिएको जानकारी दिए।</p>
प्रतिक्रिया दिनुहोस्
.jpg)
