नेपाली युवा क्रिकेटर मल्लको ‘विश्व कीर्तिमान’
<p>काठमाडाैं। अमेरिकाविरुद्धको खेलमा नेपाली युवा क्रिकेटर कुशल मल्लले एकदिवशीय अन्तर्राष्ट्रिय क्रिकेटमा कम उमेरमै अर्धशतक बनाउने कीर्तिमान बनाएका छन्। कुशलले ४९ बलमा चार चौका र तीन छक्काको मद्दतले अर्धशतक बनाएका हुन्। उनले यसअघि नेपालकै रोहितकुमार पौडेलको नाममा रहेको रेकर्ड तोडेका हुन्। </p>
<p>आज रोहितकै स्थानमा मौका पाएका कुशलले आफ्नो डेब्यू खेलमै कीर्तिमान राखेका हुन्। ५१ बल खेलेका उनी ५० रनमा क्याच आउट भए । </p>
<p>रोहितले १६ वर्ष १४६ दिनमा अर्धशतक बनाएर सबैभन्दा कान्छो उमेरमा एकदिवसीय अन्तर्राष्ट्रियमा अर्धशतक बनाउने रेकर्ड राखेका थिए। </p>
<p>नेपालले घरेलु मैदानमा पहिलोपटक एकदिवसिय अन्तर्राष्ट्रिय क्रिकेट खेलिरहेको छ। ओमान र अमेरिकासँगको त्रिकोणात्मक श्रृंखला खेलिरहेको नेपालले पहिलो खेल ओमानसँग १८ रनले गुमाएको थियो भने आज अमेरिकासँग खेल्दै छ। पहिले ब्याटिङ गरेको नेपालले १९१ रनको लक्ष्य दिएको थियो। </p>
<p><br />
</p>
प्रतिक्रिया दिनुहोस्
.jpg)
