बंगलादेशका सेना प्रमुखलाई दिइयो सम्मान गारत
<p>काठमाडौं। बंगलादेशका सेना प्रमुख जनरल अजिज अहमदलाई आज सम्मान गारत प्रदान गरिएको छ।</p>
<p>पाँचदिने औपचारिक भ्रमणमा काठमाडौं आएका अहमदलाई जंगी अड्डा परिसरमा नेपाली सेनाको एक टुकडीले सम्मान गारत अर्पण गरेको हो।</p>
<p>सेना प्रमुख अहमदले आज टुँडिखेलस्थित सैनिक मञ्चमा रहेको वीर स्मारिकामा माल्यार्पणसमेत गरेका थिए। उनी पोखरास्थित पश्चिम पृतना हेडक्वार्टर तथा केही पर्यटकीयस्थलहरूको समेत भ्रमण गर्ने कार्यक्रम छ।</p>
<p>२६ माघमा अहमदले प्रधानमन्त्री केपी शर्मा ओली, उपप्रधान तथा रक्षामन्त्री ईश्वर पोखरेल तथा प्रधानसेनापति महारथी पूर्णचन्द्र थापासँग भेटवार्ता गर्नेछन्।</p>
<p>त्यस्तै उनले २७ माघमा राष्ट्रपति विद्यादेवी भण्डारीसँग भेटवार्ता गर्ने र सोही दिन पाँचखालस्थित वीरेन्द्र शान्ति कार्य तालिम केन्द्रको समेत भ्रमण गर्ने कार्यक्रम छ।</p>
<p>२४ माघमा काठमाडौं आएका सेना प्रमुख अहमद २८ माघमा स्वदेश फिर्ता हुने कार्यक्रम रहेको नेपाली सेनाले जनाएको छ।</p>
<p style="text-align:center"><img alt="" height="963" src="https://www.dekhapadhi.com/storage/photos/shares/Security/Bangladesh_sena_pramukh_ajij.jpg" width="1500" /></p>
<p style="text-align:center"><img alt="" height="840" src="https://www.dekhapadhi.com/storage/photos/shares/Security/Bangladesh_sena_pramukh_ajij2.jpg" width="1500" /></p>
<p> </p>
प्रतिक्रिया दिनुहोस्
.jpg)
