बालिका बलात्कारकाे आराेपमा पक्राउ
<p>धनगढी। नाबालिकालाई बलात्कार गरेको आरोपमा कैलालीको घोडाघोडी नगरपालिका–१ सुखडका हरिप्रसाद डगाैरा पक्राउ परेका छन्। </p>
<p>बिरामी रहेकी १४ वर्षीया नाबालिकालाई झारफुक गर्ने बहानामा बलात्कार गरेको भन्दै घोडाघोडी नगरपालिका–१ हिम्मतपुरका ४५ वर्षीय डगौरा पक्राउ परेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए। </p>
<p>आँखामा समस्या भएपछि झारफुक गर्न आएकी किशोरीलाई निको पार्नै भन्दै डगौराले घोडाघोडी मन्दिर नजिकैको ताल क्षेत्रमा रहेको जङ्गलमा लगेर बलात्कार गरेको बालिकाको परिवारले आरोप लगाएकाे छ ।</p>
<p>घटना २१ माघकाे भए पनि ढिलो उजुरी आएपछि प्रहरीले डगौरालाई आज मात्र पक्राउ गरेको हाे। नाबालिकाको स्वास्थ्य परीक्षणका लागि अस्पताल पठाइएकाे छ।</p>
प्रतिक्रिया दिनुहोस्
.jpg)
