‘दरबार’ घाटामा जाँदा रजनीकान्त विवादमा
<p>काठमाडाैं। बलिउड स्टार रजनीकान्त यतिबेला विवादमा मुछिएका छन्। हालै रिलिज भएको चलचित्र ‘दरबार’ धेरै घाटामा गएपछि रजनीकान्त विवादमा तानिएका हुन्।</p>
<p>उक्त चलचित्रले लगानी नठाउन नसकेपछि विवादमा परेको हाे। यो चलचित्रका वितरकहरूले निर्माता ए आर मुरुगादाससँग रिफन्डको माग गरेका छन्।</p>
<p>रजनीकान्तको यो चलचित्रबाट धेरै घाटा भएकाे वितरकहरूको भनाइ छ। वितरकहरूले सुपरस्टार रजनीकान्त, लायका प्रोडक्सन र ए आर मुरुगादासविरुद्ध उजुरी हालेर मुआब्जा दाबी गरेका हुन्।</p>
<p>केही दिन पहिले केही वितरकहरू रजनीकान्तको घरमा पुगेका थिए। तर, त्यहाँ सेक्युरिटीले फिर्ता पठाइदिए। एक वितरकले आफूहरू भोक हडतालमा जाने बताएका थिए।</p>
<p>फिल्ममेकर मुरुगादासलाई धम्की पनि आउन थालेको छ। उनले धम्की आएको भन्दै प्रहरीसँग सुरक्षा माग गरेका छन्। उनले आफ्नो घरबाहिर प्रहरी राख्न समेत अनुरोध गरेका छन्।</p>
<p>रजनीकान्तको ‘दरबार’ १३० करोड भारुमा बनेको थियो। यसमध्ये आधा बजेट रजनीकान्तको पारिश्रमिक थियो। तर, चलचित्रले सोचेजस्तो कमाइ गर्न नसकेपछि विवादमा परेको हो।</p>
<p>रजनीकान्त यो चलचित्रमा प्रहरीको भूमिकामा देखिएका छन्।</p>
प्रतिक्रिया दिनुहोस्
.jpg)
