बंगलादेशका सेना प्रमुख नेपालमा, यस्तो छ भ्रमण तालिका
<p>काठमाडौं। बंगलादेशका सेना प्रमुख अजिज अहमद आज काठमाडौं आइपुगेका छन्।</p>
<p>नेपाली सेनाका प्रधान सेनापति पूर्णचन्द्र थापाको औपचारिक निमन्त्रणामा अहमद काठमाडौं आएका हुन्।</p>
<p>पाँचदिने भ्रमणमा आएका बंगलादेशका सेना प्रमुख अहमदलाई त्रिभुवन अन्तर्राष्ट्रिय विमानस्थलमा राष्ट्रिय सुरक्षा परिषद् सचिवालयका उपरथी निर्मलकुमार थापाले स्वागत गरेका थिए।</p>
<p><strong>यस्तो छ भ्रमण तालिका</strong></p>
<p>बंगलादेशका सेना प्रमुख अहमदले २५ माघमा टुँडिखेलस्थित सैनिक मञ्चमा रहेको वीर स्मारिकामा माल्यार्पण गर्नेछन्। त्यस्तै जंगी अड्डा परिसरमा नेपाली सेनाको एक टुकडीले उनको सम्मानमा सम्मान गारत अर्पण गर्ने कार्यक्रम छ।</p>
<p>साथै अहमदले पोखरास्थित पश्चिम पृतना हेडक्वार्टर तथा केही पर्यटकीयस्थलहरूको समेत भ्रमण गर्नेछन्।</p>
<p>२६ माघमा अहमदले प्रधानमन्त्री केपी शर्मा ओली, उपप्रधान तथा रक्षामन्त्री ईश्वर पोखरेल तथा प्रधानसेनापति महारथी पूर्णचन्द्र थापासँग भेटवार्ता गर्ने कार्यक्रम छ।</p>
<p>त्यस्तै उनले २७ माघमा राष्ट्रपति विद्यादेवी भण्डारीसँग भेटवार्ता गर्ने र सोही दिन पाँचखालस्थित वीरेन्द्र शान्ति कार्य तालिम केन्द्रको समेत भ्रमण गर्नेछन्।</p>
<p>सेना प्रमुख अहमद २८ माघमा स्वदेश फिर्ता हुने कार्यक्रम रहेको नेपाली सेनाले जनाएको छ।</p>
प्रतिक्रिया दिनुहोस्
.jpg)
