अमेरिकाद्वारा अल कायदा नेता कसिम अल-रिमीको मृत्यु भएको घोषणा
<p>अमेरिका। अमेरिकाले यमनमा अमेरिकी सेनाले गरेको आतंकवाद विरोधी अभियानमा अल कायदा नेता कसिम अल–रिमी र उनका सहायक अयमान अल जवाहिरीको मृत्यु भएको घोषणा गरेको छ।</p>
<p>ह्वाइट हाउसले आज उक्त जानकारी गराएको हो।</p>
<p>कासिम अल–रिमी अरबी प्रायद्वीपमा आतंकवादी संगठनका नेता हुन्। 'राष्ट्रपति डोनाल्ड ट्रम्पको निर्देशनमा अमेरिकाले यमनमा आतंकवाद विरोधी अभियान चलाएको र यसमा अरबी प्रायद्वीपका संस्थापक र अल कायदाका नेता कासिम अल–रिमीलाई सफलतापूर्वक पराजित गरेको छ', विज्ञप्तिमा भनिएको छ। उनी अल–कायदाको अन्तर्राष्ट्रिय संगठनका सहायक नेता थिए।</p>
<p>अमेरिकी अधिकारीको दाबीअनुसार रिमीले यमनमा आम नागरिकहरूविरुद्ध अपराध गरेका थिए र संयुक्त राज्य अमेरिकाका सेनाहरूमाथि कैयौँ आक्रमण गरेका थिए।</p>
<p>'रिमीको नेतृत्वमा अल कायदाको अरबी समूहले यमनमा नागरिकहरूमाथि जघन्य हिंसाका थुप्रै घटनाहरू भएका छन्। उसले संयुक्त राज्य अमेरिका र अमेरिकी सेनाविरूद्ध धेरै आक्रमणका लागि विभिन्न समूहलाई प्रयोग गरेको थियो', विज्ञप्तिमा भनिएको छ।</p>
<p>ह्वाइट हाउसले भनेको छ, 'वाशिङ्टन, अमेरिकी नागरिक र यसका सहयोगीहरूको हितको रक्षा गरिरहनेछ। अल–रिमीको मृत्युको परिणामस्वरूप अमेरिका, हाम्रो हित, र हाम्रा सहयोगीहरू सुरक्षित बनेका छन्। हामी अमेरिकी जनतालाई बचाउने अभियान जारी राख्नेछौं।'</p>
प्रतिक्रिया दिनुहोस्
.jpg)
