१२ किलो गाँजासहित दुई जना पक्राउ
<p style="text-align:justify">सिरहा। प्रहरीले प्रतिबन्धित लागूऔषध गाँजासहित दुई जनालाई पक्राउ गरेको छ।</p>
<p style="text-align:justify">सिरहाको अर्नामा गाउँपालिका–१ ईस्लामपुरबाट आज दिउँसो प्रहरीले प्रतिबन्धित गाँजासहित दुई जनालाई पक्राउ गरेको हो।</p>
<p style="text-align:justify">पक्राउ पर्नेमा अर्नामा गाउँपालिका–१ ईस्लामपुरका ३२ वर्षीय मोहम्मद सकिल र नरहा गाउँपालिका–१ देविपुरका ३५ वर्षीय राजिन महरा रहेका छन्। </p>
<p style="text-align:justify">मोहम्मद सकिलको घरमा प्लास्टिकको बोरामा लुकाएर राखेको तयारी अवस्थाको प्रतिबन्धित १२ किलो गाँजा बरामद भएको जिल्ला प्रहरी कार्यालय सिरहाले जनाएको छ। </p>
<p style="text-align:justify">प्रहरीले गोप्य सूचनाको आधारमा सकिलको घरमा खोजतलास गरेपछि गाँजा बरामद भएको सिरहाका प्रहरी प्रम्ख, एसपी उमाप्रसाद चर्तुवेदीले बताए।</p>
.jpg)
