मोरङ: उखुबारीमा भेटियाे युवतीकाे शव
<p>माेरङ। मोरङको विराटनगर महानगरपालिका-१२ मा हत्या गरिएको अवस्थामा २४ वर्षीया युवतीको शव फेला परेको छ।</p>
<p>मलङवा भन्ने स्थानकाे उखुबारीमा युवतीको शव भेटिएको हो। उनको घाँटीमा चोट देखिएको छ।</p>
<p>आज बिहान सवा १० बजेको समयमा शव भेटिएको जिल्ला प्रहरी कार्यालय मोरङका प्रहरी प्रवक्ता डीएसपी मानवहादुर राईले जानकारी दिए।</p>
<p>“शव अहिले पनि घटनास्थलमा नै छ। मुचुल्का उठाउने लगायतका काम भइरहेको छ”, उनले भने, “घटनाको अनुसन्धान भइरहेको छ। अहिले नै के भएको भन्ने खुलिसकेको छैन।”</p>
<p>प्रहरीले घटनास्थल नियन्त्रणमा राखेर अनुसन्धान गरिरहेको उनले जानकारी दिए। मृतकको सनाखत भएको छैन।</p>
प्रतिक्रिया दिनुहोस्
.jpg)
