कार सिकाउने क्रममा दुर्घटना हुँदा एकको मृत्यु
<p>बैतडी। चलाउन सिकाउँदै गरेको कार दुर्घटना हुँदा गएराति एक जनाको मृत्यु भएको छ। दुर्घटनामा अर्का एक व्यक्ति घाइते भएका छन्।</p>
<p>मृत्यु हुनेमा कारधनी दशरथचन्द नगरपालिका-४ शाहीलेकका २८ वर्षीय हरिश तिरुवा रहेको बैतडीका प्रहरी प्रमुख प्रहरी नायब उपरीक्षक डिल्लीनारायण पाण्डेयले बताए।<br />
<br />
सो दुर्घटनामा कृषि विकास बैंक शाखा शाहीलेक बैतडीका प्रबन्धक डिकरदेव पाण्डेय घाइते भएका छन्।</p>
<p>बा. ६ प ९१९९ नम्बरको कार दशरथचन्द नगरपालिका-२ देहीमाडौँस्थित घुसल्ला मोड नजिककै निर्माणाधीन क्याम्पसको मैदानमा सिकाउने क्रममा दुर्घटना भएको हो।</p>
<p>दुर्घटनाग्रस्त कार मैदानभन्दा करीब १०० मिटर तल खसेको छ। <em>रासस</em></p>
प्रतिक्रिया दिनुहोस्
.jpg)
