एभरेष्ट प्रिमियर लिगलाई आइसिसीको मान्यता
<p>काठमाडौं। अन्तर्राष्ट्रिय क्रिकेट काउन्सिल (आइसिसी) ले एभरेष्ट प्रिमियर लिग (इपिएल) लाई मान्यता प्रदान गरेको छ।</p>
<p>आगामी १–१५ चैतसम्म कीर्तिपुरस्थित त्रिवि क्रिकेट मैदानमा आयोजना हुने चौथो संस्करणको इपिएललाई आधिकारिक मान्यता दिएको हो। </p>
<p>यसपटक टेष्ट मान्यताप्राप्त मुलुकका चर्चित खेलाडीसमेत सो प्रतियोगिता खेल्न नेपाल आउँदैछन्।</p>
<p>नेपाल खेल्न आउने खेलाडीमा वेष्ट इन्डिजका क्रिस गेल, ड्वाने स्मिथ, श्रीलङ्काका उपुल थरङ्गा, अफगानिस्तानका मोहमद साहजादलगायत छन्। </p>
<p>गेलले पोखरा राइनोजबाट स्मिथले भैरहवा ग्लाडीयटर्सबाट थरङ्गाले ललितपुर प्याट्रियट्सबाट तथा साहजादले चितवन टाइगर्सबाट खेल्ने तय भएको आयोजकले जनाएको छ।</p>
<p>इपिएलमा छ फ्रेन्चाइज टोली काठमाडौं किङ्ग्स इलाभेन, ललितपुर प्याट्रीयट्स, चितवन टाइगर्स, पोखरा राइनोज, विराटनगर वारिवर्स र भैरहवा ग्लाडीयटर्स भिड्ने छन्।</p>
<p>इपिएलको खेल तालिकालाई नेपाल क्रिकेट सङ्घ (क्यान) ले स्वीकृत गरेको छ। <em>रासस</em> <br />
</p>
प्रतिक्रिया दिनुहोस्
.jpg)
