अमेरिकाकाे कानूनसम्बन्धी प्रमुख १६ जर्नलका प्रधान सम्पादकमा पहिलाेपटक सबै महिला
<p>काठमाडाैं। अमेरिकाको कानूनसम्बन्धी मुख्य १६ वटा जर्नलको प्रधान सम्पादकमा पहिलोपटक सबै महिला नियुक्त भएका छन्।</p>
<p>१६ जना प्रधान–सम्पादक वासिङ्टन डीसीको प्रमुख प्राज्ञिक संस्था ‘ड्युक इन डीसी’ मा भेला भएका थिए। त्यहाँ आयोजित ‘कानूनी क्षेत्रमा महिलाको प्रगतिको सम्मान’ सम्मेलनमा उनीहरू सहभागी भएका थिए।</p>
<p>अमेरिकी संविधानको १९औं संशोधन भएको एक सय वर्ष र अमेरिकामा कानून व्यवसायको क्षेत्रमा महिलाले पहिलोपटक प्रवेश गरेको १५०औं वर्ष पुगेको अवसरमा ती प्रधान-सम्पादकले सामूहिक रूपमा ‘महिला र कानून’ विषयक जर्नल पनि प्रकाशन गरेका छन्। जर्नलमा प्रकाशित सबै १४ शोध लेख ‘कानून र न्यायका क्षेत्रमा महिला’ विषयमा महिलाले नै लेखेका हुन्। </p>
<p>१८ अगस्त १९२० मा भएको अमेरिकी संविधानको १९औं संशोधनले संघीय र प्रान्तिय सरकारलाई लिंगका आधारमा मतदानमा भाग लिन विभेद गर्न रोक लगाएको थियो। यो संशोधनपछि मात्रै महिलाहरूले पनि चुनावमा भोट खसाल्ने अधिकार पाएका थिए। </p>
प्रतिक्रिया दिनुहोस्
.jpg)
