राजमार्गका जग्गा लगत कट्टा गरी सरकारको नाममा ल्याउन सडक विभागको निर्देशन
<p>काठमाडौं। सडक विभागले राजमार्गका लागि अधिग्रहण भएको जग्गा लगत कट्टा गरी नेपाल सरकारको नाममा जग्गाधनी पूर्जा ल्याउन प्रक्रिया थालेको छ। </p>
<p>विभागले मातहतका आयोजना निर्देशनालय र महाशाखालाई यसका लागि निर्देशन दिएको छ ।</p>
<p>समय समयमा घोषणा गरिएका राजमार्गको क्षेत्रफल अधिग्रहण गर्दा जग्गाधनीपूर्जा सम्बन्धित जग्गाधनीहरुकै नाममा रहेको विभागले जनाएको छ।</p>
<p>सरकारका नाममा जग्गा नआउँदा सम्बन्धित जग्गाधनीले अनावश्यक कर तिर्नु परिरहेको साथै भूमाफियाहरुले उक्त जग्गासमेत किनबेच र नामसारी गर्न सक्ने सम्भावना भएको भन्दै लगत कट्टा गर्न निर्देशन दिइएको हो।</p>
<p>विभागले ती कार्यालयलाई अधिग्रहण गरिएका जग्गाको यर्थाथ विवरण उपलब्ध गराउन पनि भनेको छ।</p>
<p>सरकारी सार्वजनिक र गुठी जग्गा संरक्षणसम्बन्धी जाँचबुझ आयोग, २०७६ बाट माग गरिएको सार्वजनिक र गुठी जग्गा अधिग्रहणसम्बन्धी विवरण संकलनको लागि पनि विभागले काम थालेको छ।</p>
<p><strong>पढ्नुहोस्:</strong></p>
<p><a href="https://dekhapadhi.com/news/5659" target="_blank"><strong>अव्यवस्थाको नमूनाः सडकको जग्गाको मालपोत तिर्दै धनकुटावासी</strong></a></p>
<p> </p>
<p> </p>
प्रतिक्रिया दिनुहोस्
.jpg)
