बाजुरामा रुघाखोकीले दुईजनाको मृत्यु
<p>काठमाडौं। बाजुराको स्वामिकार्तिक खापर गाउँपालिकामा रुघाखोकीका कारण दुईजनाको मृत्यु भएको छ।</p>
<p>रुघाखोकी र ज्वराेका कारण वडा नं. १ का ५५ वर्षीया मिमा कडारा र ७० वर्षीय दलबहादुर रावलको मृत्यु भएको गाउँपालिकाका अध्यक्ष चिरञ्जीवी शाहीले जानकारी दिए।</p>
<p>उनका अनुसार वडाभरि नै यो समस्या देखिएको छ। “स्थानीय स्वास्थ्यचौकीहरूमा उपचार भइरहेको छ, गाउँपालिकाबाट पनि तीनजनाको स्वास्थ्याकर्मी सो वडामा परिचालन गरेका छौं”, उनले भने।</p>
<p>जिल्लाबाट पनि स्वास्थ्यकर्मीको टोली आजै पुग्ने उनको भनाइ छ। “नेपालगञ्ज मेडिकल कलेजबाट पनि डाक्टरहरू बोलाएका छौं, प्रदेश सरकारसँग पनि सहयोग माग गरेका छौं”, शाहीले भने।</p>
<p>लक्षण हेर्दा भाइरल ज्वरोकै जस्तो देखिए पनि ल्याब टेस्ट नगर्दासम्म यकिन भन्न नसकिने स्वास्थ्यकर्मी बताउँछन्।</p>
<p><strong>घरमै पुगेर स्वास्थ्य चाँज</strong></p>
<p>प्रभावित क्षेत्र पुगेको स्वास्थ्यकर्मीको टोलीले उपचार शुरू गरेको छ। टोली घरघरमा गएर स्वास्थ्य चाँज गरिरहेको छ।</p>
<p>अहिलेसम्म ११० जना मध्ये ३५ जनामा रुघाखोकीको लक्षण देखिएको स्वामिकार्तिक खापर गाउँपालिकाका स्वास्थ्य उपसंयोजक भक्तबहादुर कैलाले जानकारी दिए।</p>
<p>स्वामिकार्तिक खापरसँगै हिमाली गाउँपालिकाका पनि रुघाखोकीको प्रभाव देखिएको छ।</p>
प्रतिक्रिया दिनुहोस्
.jpg)
