विराटनगरमा ‘महाभोज’
<p>विराटनगर। विराटनगरको सुशीला कोइराला नाटकघरमा नाटक ‘महाभोज’ मञ्चन गरिएको छ।</p>
<p>मण्डला थिएटरको प्रस्तुति रहेको ‘महाभोज’ प्रदेश १ सरकारको सहकार्यमा मञ्चन गरिएको हो।</p>
<p>नाटकमा राजनीतिक स्वार्थपूर्तिका लागि सर्वसाधारणको पीडा, व्यथालाई कसरी प्रयोग गरिन्छ र यसमा प्रहरी एवम् मिडिया पनि राजनीतिक नेतृत्वकै वरिपरि कसरी घुम्छन् भन्ने विषय समेटिएको छ।</p>
<p>नाटक हेरेपछि मुख्यमन्त्री शेरधन राईले नाटकले अहिलेको यथार्थ बोलेको बताए। उनले कलाकर्मीहरूले सरकारको स्वस्थ आलोचना गरे सरकार सही बाटोमा हिँड्ने बताए।</p>
<p>भारतीय साहित्यकार मन्नु भण्डारीको उपन्यास ‘महाभोज’लाई नेपाली रुपान्तरण गर्दै नाटक विप्लब प्रतीकले बनाएका हुन्। नाटक ‘महाभोज’को निर्देशन अनुप बरालले गरेका हुन्।</p>
<p>नाटकमा रमेश बुढाथोकी, राजन खतिवडा, दिया मास्के, शेखर चापागाई, बुद्धि तामाङ, प्रदीपकुमार चौधरी, विजय बराल, सोमनाथ खनाललगायतका कलाकारहरूको अभिनय छ।<br />
नाटक भोलि, २३ माघसम्म आरोहण गुरुकुल विराटनगरको सुशीला नाटक घरमा मञ्चन हुनेछ।</p>
प्रतिक्रिया दिनुहोस्
.jpg)
