‘चपली हाइट-३’ ले एकजना दर्शकलाई बैंकक घुमाउने
<p>काठमाडौं। चलचित्रहरूले प्रचारको नयाँ-नयाँ शैली अपनाउँदै आएका छन्। त्यसका लागि विभिन्न योजना अघि सार्ने गर्छन्।</p>
<p>यहीबीचमा २८ चैतबाट प्रदर्शनमा आउन लागेको चलचित्र ‘चपली हाइट-३’ ले दर्शकलाई बैंकक घुमाउने उपहार योजना अगाडि सारेको छ।</p>
<p>त्यसका लागि ‘चपली हाइट-३’ को सार्वजनिक भएको ‘चारआनाको मसला’ बोलको गीतमा टिकटक बनाउनुपर्नेछ। उत्कृष्ट टिकटक बनाउने एकजनालाई बैंकक घुमाइने फिल्मका निर्माता अर्जुन कुमारले जानकारी दिए।</p>
<p>सबैभन्दा धेरै लाइक र भ्यूज पाएको टिकटक भिडिओमध्ये एउटालाई विजेता घोषणा गरिनेछ।</p>
<p>निकेश खड्काको निर्देशनमा बनेको चलचित्रमा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतीकमान श्रेष्ठ, अर्पण थापा, दीपाश्री निरौला, लक्ष्मी बर्देवा, लोकेन्द्र लेखकलगायत कलाकारको अभिनय छ।</p>
<p>यो चलचित्रका अघिल्लो दुई श्रृंखला दीपेन्द्र के. खनालले निर्देशन गरेका थिए।</p>
<p>निर्देशक निकेश र निर्माता अर्जुनबीच यसअघि अभिनेता सौगात मल्ल र अभिनेत्री प्रियंका कार्की स्टारर फिल्म ‘फाटेको जुत्ता’ मा पहिलो पटक सहकार्य भएको थियो।</p>
प्रतिक्रिया दिनुहोस्
.jpg)
