ओमानविरुद्ध टस जितेर बलिङ गर्दै नेपाल
<p>काठमाण्डौ। आईसीसी विश्वकप लिग-२ त्रिकोणात्मक सिरिजअन्तर्गत ओमानविरुद्धको पहिलो खेलमा नेपालले टस जितेर फिल्डिङ रोजेको छ।</p>
<p>एकदिवसीय त्रिकोणात्मक सिरिजअन्तर्गत नेपाल, ओमान र अमेरिकाबीच एकदिवसीय अन्तर्राष्ट्रिय त्रिकोणात्मक शृंखला हुन लागेको हो।</p>
<p>नेपालले ओमानसँग खेलेर आईसीसी क्रिकेट विश्‍वकप लिग-२ को शुरुआत गरेको छ।</p>
<p>नेपालले सन् २०१८ मा जिम्बावेमा भएको विश्‍वकप छनोटबाट एकदिवसीय अन्तर्राष्‍ट्रियको ऐतिहासिक उपलब्धि हात पारेको थियो।</p>
<p>त्यसयता ६ खेल खेलिसकेको नेपालले घरेलु मैदानमा एकदिवसीय अन्तर्राष्‍ट्रिय खेलेको थिएन।</p>
<p>त्रिकोणात्मक शृंखलामा सहभागी अर्को टोली अमेरिका ८ मध्ये ६ खेल जितेर लिग-२ को शीर्ष स्थानमा छ।</p>
<p>यो प्रतियोगितामा नेपालले पहिलो पटक आफ्नै मैदानमा एकदिवसीय अन्तर्राष्ट्रिय (ओडीआई) खेल्दैछ।</p>
<p> </p>
प्रतिक्रिया दिनुहोस्
.jpg)
