विश्वकप लिग-२ : ओमानविरुद्ध नेपाल खेल्दै
<p>काठमाडौं। आईसीसी क्रिकेट विश्वकप लिग-२ अन्तर्गत आज कीर्तिपुरस्थित मैदानमा ओमानविरुद्ध नेपालले खेल्दैछ।</p>
<p>नेपालले सन् २०१८ मा जिम्बावेमा भएको विश्‍वकप छनोटबाट एकदिवसीय अन्तर्राष्‍ट्रियको ऐतिहासिक उपलब्धि हात पारेको थियो।</p>
<p>त्यसयता ६ खेल खेलिसकेको नेपालले घरेलु मैदानमा एकदिवसीय अन्तर्राष्‍ट्रिय खेलेको थिएन।<br />
<br />
नेपालले ओमानसँग खेलेर आईसीसी क्रिकेट विश्‍वकप लिग-२ को शुरुआत गर्न लागेको हो।</p>
<p>त्रिकोणात्मक शृंखलामा सहभागी अर्को टोली अमेरिका ८ मध्ये ६ खेल जितेर लिग-२ को शीर्ष स्थानमा छ।</p>
<p>क्रिकेटको सर्वोच्च निकाय अन्तर्राष्ट्रिय क्रिकेट परिषद् (आईसीसी)ले आयोजना गरेको यो प्रतियोगिता आफ्नै मैदानमा शुरू हुँदै गर्दा आईसीसीबाट निलम्बित नेपाल क्रिकेट संघ (क्यान)को निलम्बन भर्खरै सशर्त फुकुवा भएको छ।</p>
<p>यो प्रतियोगितामा नेपालले पहिलो पटक आफ्नै मैदानमा एकदिवसीय अन्तर्राष्ट्रिय (ओडीआई) खेल्दैछ।</p>
<p>जुन नेपाली क्रिकेटकै अर्को सुखद पक्ष भएको क्यानका अध्यक्ष चतुरबहादुर चन्द बताउँछन्।</p>
<p> </p>
प्रतिक्रिया दिनुहोस्
.jpg)
