अछाममा वडा अध्यक्षको शव भेटियो, हत्याको आशंका
<p>कैलाली। अछामको पञ्‍चदेवल विनायक नगरपालिका-२ का वडा अध्यक्ष पदमबहादुर धामी मृत भेटिएका छन्।</p>
<p>नेपाली कांग्रेसबाट निवार्चित वडा अध्यक्ष धामीको शव आज बिहान फेला परेको जिल्ला प्रहरी कार्यालय अछामका डीएसपी दीपक भारतीले <em>देखापढी</em>लाई बताए।</p>
<p>"प्रारम्भिक अनुसन्धानमा उहाँको हत्या भएको आशंका छ", भारतीले भने "अनुसन्धान भइरहेको छ, अहिले अरु भन्‍न सक्ने अवस्था छैन।" </p>
<p>धामीको शव छिमेकीको गोठमा फेला परेको नगरपालिकाका मेयर देवराज देवकोटाले जानकारी दिए।</p>
<p> </p>
प्रतिक्रिया दिनुहोस्
.jpg)
