हेटौंडामा १० वटा अवैध बालुवा प्रशोधन केन्द्र भत्काइयो
<p>हेटौंडा। हेटौँडा उपमहानगरपालिका क्षेत्रका १० वटा बालुवा प्रशोधन केन्द्र भत्काइएको छ।</p>
<p>जिल्ला अनुगमन समितिले कुखरेनी खोलामा नदीजन्य पदार्थ ढुंगा, गिट्टी, बालुवा अनुगमन गर्ने क्रममा वडा नं ९ र १३ मा अवैधरूपमा सञ्चालित बालुवा प्रशोधन केन्द्र भत्काइएको हो।</p>
<p>कुष्माण्डा सरोवर त्रिवेणीधामदेखि दक्षिणमा मानव सेवा आश्रमसम्मको कुखरेनीखोलाको बगर अनुगमन गरिएको थियो।</p>
<p>ती क्षेत्रमा १० बालुवा प्लान्ट अवैधरूपमा सञ्चालन भएको भेटिएको छ। त्यस्तै सो क्षेत्रमा चार वटा क्रसर उद्योगसमेत सञ्चालन भइरहेको अनुगमन समितिका संयोजक खुलालले बताए।</p>
<p>बालुवा प्रशोधन केन्द्रमा प्रयोग गरिएका उपकरणसमेत जफत गरिएको छ।</p>
<p>चुरे क्षेत्रमा अवैधरूपमा बालुवा प्रशोधन केन्द्र सञ्चालन भएको भन्ने सूचनाका आधारमा हेटौंडामा निगरानी बढाइएको छ।</p>
<p>जिल्ला समन्वय समितिको नेतृत्वमा प्रमुख जिल्ला अधिकारी, सुरक्षा निकायका प्रमुख तथा अन्य सरोकार कार्यालयका अधिकारीको सहभागितामा अनुगमन भएको थियो।</p>
प्रतिक्रिया दिनुहोस्
.jpg)
