बाल मन्दिरमा बेथितिः अनाथको कोटामा बाठाका सन्तान
<p style="text-align:justify">काठमाडौं। अनाथ बालबालिकाका लागि छुट्याइएको शिक्षा कोटामा बाल मन्दिरका पदाधिकारीले मनोमानी गरिरहेका छन्।</p>
<p style="text-align:justify">निजी विद्यालयले अनाथ बालबालिकाको लागि छुट्याएको निःशुल्क अध्ययन कोटा र विभिन्न माध्यमबाट आएको सहयोगमा बाल मन्दिरकै पदाधिकारीका सन्तान पढिरहेका छन्।</p>
<p style="text-align:justify">बृहस्पति विद्या सदनले काठमाडौं टंगालस्थित बाल मन्दिरको १३ रोपनी १२ आना जमिन लिजमा लिएको छ।</p>
<p style="text-align:justify">दुवै पक्षबीच बाल मन्दिरका २० अनाथ बालबालिकालाई निःशुल्क पढाउने सम्झौता भएको थियो।</p>
<p style="text-align:justify">तर, अहिले अनाथ बालबालिकाको कोटामा बाल मन्दिरका पदाधिकारीका छोराछोरी पढिरहेका छन्।</p>
<p style="text-align:justify">बाल मन्दिर सञ्चालन गर्ने संस्था नेपाल बाल संगठनका केन्द्रीय महासचिव गणेशभक्त श्रेष्ठले बेथिति मौलाएको स्वीकार गरे।</p>
<p style="text-align:justify">संसद्को महिला तथा सामाजिक समितिको २० माघको बैठकमा श्रेष्ठले भने, “त्यहाँ पदाधिकारीका छोराछोरी पनि पढिरहेका छन्।</p>
<p style="text-align:justify">अनाथ बालबालिकालाई ‘बोडर्स’ गर्नेसम्मको अनुदान बाल मन्दिरमा आउँछ। तर, त्यस्तो अनुदानमा बाल मन्दिरका कर्मचारीले आफ्ना छोराछोरी पढाउने गरेका छन्।”</p>
<p style="text-align:justify">आजको अन्नपूर्ण पोष्ट दैनिकका अनुसार पछिल्लो समय बृहस्पति विद्या सदनमा बाल मन्दिरको अनाथ कोटाका १२ जना विद्यार्थीले अध्ययन गरिरहेका छन्।</p>
<p style="text-align:justify">महासचिव श्रेष्ठले भने, “सम्झौता हुँदादेखि नै यी बालबालिका बाल मन्दिरमै थिए। पछि उनीहरूका अभिभावक नै यहाँका पदाधिकारी हुन पुगे।”</p>
<p style="text-align:justify">महिला समिति सभापति निरुदेवी पालले बाल मन्दिरका पदाधिकारीले अनाथ बालबालिकाका नाममा आएको अनुदान आफ्ना छोराछोरीमाथि खर्च गरिरहेको बताइन्।</p>
.jpg)
